गणेश घिमिरे
भदौ १९, इलाम
धार्मिक तथा पर्यटकीय महत्व बोकेको इलामको नारायणस्थान मन्दिरमा नयाँ प्रवेशद्वार निर्माण गरिएको छ । इलाम नगरपालिका–७ निवासी गणेश राई र उहाँकी श्रीमती डम्बर कुमारी देवान राईले आफ्ना स्वर्गीय माता–पिता आयबहादुर राई र नरमाया राईको स्मृतिमा करिब ७ लाख रुपैयाँको लागतमा आकर्षक प्रवेशद्वार निर्माण गरिदिनुभएको हो । श्रीकृष्ण जन्माष्टमी पर्वको अवसरमा आयोजित विशेष कार्यक्रममा प्रवेशद्वार मन्दिर व्यवस्थापन समितिलाई हस्तान्तरण गरिएको छ । इलाम नगरपालिका–६ र ७ को संगमस्थलमा रहेको नारायणस्थान धार्मिक आस्थाको केन्द्रसँगै महत्वपूर्ण पर्यटकीय गन्तव्यका रूपमा समेत परिचित छ । नयाँ प्रवेशद्वार निर्माणसँगै मन्दिर क्षेत्रको सौन्दर्य र पूर्वाधारमा थप आकर्षण जोडिएको छ ।

नारायणस्थान धार्मिक क्षेत्र विकास समितिको सहआयोजनामा सम्पन्न कार्यक्रममा निर्माणकर्ता राई दम्पतीले प्रवेशद्वार समितिका अध्यक्ष राजकुमार भक्तराज र सचिव रामकुमार श्रेष्ठलाई हस्तान्तरण गर्नुभएको थियो । कार्यक्रममा इलाम नगरपालिकाका प्रमुख केदार थापा, उपप्रमुख विष्णु कुमारी लिम्बू दाहाल, ६ नम्बर वडाका वडाध्यक्ष दूर्गा मदन श्रेष्ठले शुभकामना व्यक्त गर्नुभयो । वक्ताहरूले नारायणस्थान क्षेत्रको समग्र विकासका लागि स्थानीय समुदाय, धार्मिक संस्था र स्थानीय सरकारबीच सहकार्य आवश्यक रहेकोमा जोड दिएका थिए । दिवंगत माता–पिताको स्मृतिलाई सामाजिक तथा धार्मिक सेवासँग जोड्दै राई दम्पतीले गरेको यो योगदानले नारायणस्थान मन्दिरको भौतिक पूर्वाधारमा टेवा पुग्नुका साथै क्षेत्रको सौन्दर्यसमेत बढाएको छ । नयाँ प्रवेशद्वार बनेसँगै मन्दिरमा आउने भक्तजन तथा पर्यटकका लागि नारायणस्थान थप आकर्षक बनेको छ । धार्मिक आस्थासँगै पर्यटकीय सम्भावना बोकेको यस क्षेत्रको विकास र प्रवद्र्धनमा यस्ता व्यक्तिगत तथा सामुदायिक योगदानले महत्वपूर्ण भूमिका खेल्ने अपेक्षा गरिएको छ । दिवंगत आफन्तको स्मृतिलाई सामाजिक र धार्मिक सेवासँग जोड्ने संस्कारले एकातर्फ परिवारको सम्झनालाई जीवन्त राख्छ भने अर्कोतर्फ स्थानीय धार्मिक सम्पदाको संरक्षण र विकासमा योगदान पु¥याउँछ । नारायणस्थानमा निर्माण गरिएको यो नयाँ प्रवेशद्वारले मन्दिर क्षेत्रको आकर्षण बढाउनुका साथै इलामको धार्मिक पर्यटन प्रवद्र्धनमा समेत सकारात्मक योगदान पु¥याउने अपेक्षा गरिएको छ । 

पहिरो नियन्त्रणका लागि इलाममा भेटीबर घाँसको नर्सरी स्थापना, मेची राजमार्गलाई प्राथमिकता

गणेश घिमिरे साउन १०, इलाम  पहिरो नियन्त्रण तथा सडक संरक्षणलाई प्रभावकारी बनाउने उद्देश्यले सडक डिभिजन कार्यालय इलामले भेटीबर घाँसको

पहिरोको जोखिम घटाउँदै मेची राजमार्ग डबल लेनमा, करोडौँका आयोजना अघि बढ्दै 

गणेश घिमिरे साउन ८, इलाम  पूर्वी पहाडी जिल्लाहरू इलाम, पाँचथर र ताप्लेजुङलाई जोड्ने मेची राजमार्गलाई आधुनिक र सुरक्षित सडकका रूपमा विकास गर्ने

इलामलाई विपद् सङ्कटग्रस्त क्षेत्र घोषणा गर्न सरकार समक्ष सिफारिस, आपूर्ति सहज बनाउने 

गणेश घिमिरे साउन ७, इलाम मेची राजमार्गको राजदुवाली खण्ड तथा वैकल्पिक सडकमार्गहरू अवरुद्ध भएपछि उत्पन्न संकट समाधानका लागि इलाम नगरपालिकाले नगर