NepalBani FM

रेफ्रिलाई ब्यबस्थित गर्न इलाम जिल्ला रेफ्रि संघ गठन

गणेश घिमिरे
भदौ ३, इलाम

इलाममा इलाम जिल्ला फूटबल रेफ्रि संघ गठन भएको छ । जिल्ला फूटबल संघको पहलमा रेफ्रि संघ गठन गरेको हो । बालकृष्ण राई (एकल विके) को अध्यक्षतामा १७ सदस्यिय रेफ्रि संग गठन गरेको हो । संघको उपाध्यक्षहरुमा रन्जु यल्मु, दिलिपकुमार राई, धनजित मुखिया, महासचिबमा महेश खड्का, उपमहासचिबमा मनोजकुमार लिम्बू, कोषाध्यक्षमा सुरेश थापा मगर रहनु भएको छ ।

जसको सदस्यहरुमा विनोद क्षेत्री, राकेश थापा मगर, याम राई, डम्बर सिंह तामाङ, महेश मगर, भक्त बहादुर राई, मन्जित तामाङ, प्रज्वल क्षेत्री, गणेशराज सुवेदी, ललित तामाङ, जितन राई र राजु थापा मगर रहनु भएको छ । रेफ्रि संघका केन्द्रिय सदस्य प्रदिप कुमार बस्नेतको उपस्थितीमा इलाम जिल्ला रेफ्रि संघ गठन गरीएको जिल्ला फूटबल संघका उपाध्यक्ष फत्र लिम्बूले बताउनुभयो । जिल्लामा ५० जनाको हाराहारीमा रेफ्रिहरु रहेपनि जिल्ला फूटबल संघमा २०÷२२ जना रेफ्रिहरु मत्र आबद्ध रहेको जिल्ला फूटबल संघ इलामका अध्यक्ष बिक्रम श्रेष्ठले बताउनुभयो ।

जिल्लामा हुने कुनैपनि फूटबल प्रतियोगिताहरुमा रेफ्रिहरु जाने, आफूखुशि पैसा लिने लगायतका क्रियाकलाप बढिरहेको अवस्थामा यसलाई ब्यबस्थित गर्नका लागि रेफ्रि संघ गठन आवश्यक रहेको संघका केन्द्रिय सदस्य बस्नेतको भनाई छ । अब कुनैपनि फूटबल प्रतियोगिता खेलाउनु परे जिल्ला फूटबल संघबाट अनुमति लिएर मात्र प्रतियोगिता खेलाउन पाउनेछन् ।