पूर्वाञ्चलमै तेस्रो अठार पूराणको आयोजना गरीदैं, पचास हजार भक्तजन भित्रयाउने लक्ष्य
![](https://nepalbani.org.np/uploads/news/images/1687110534puran.jpeg)
गणेश घिमिरे
फागुन २७, इलाम
इलाम नगरपालिका ६ र ८ नम्बर वडाको संगम स्थल सिङगफ्रिङ्गमा अठार पुराण समापन एवं इलाम धार्मिक महोत्सवको आयोजना हुन लागेको छ । सिङफ्रिङस्थित सिंह–सिद्ध देवी तथा देवी पाञ्चायन मन्दिर परिसरमा १८ पुराण समापन एवं इलाम धार्मिक महोत्सव–२०८० आयोजना गरिन लागेको हो । आउँदो चैत १ देखि ९ गतेसम्म १८ पुराण अन्तर्गत श्री स्कन्ध पुराण आयोजना गरिने भएको छ । सत्रवटा पुराण सकिएसंगै पूर्वाञ्चलमै अठार पुराण समापन गर्ने इलाम पहिलो हुनेछ भने नेपालकै सातौ हुने घोषणा गर्ने गरी आयोजक लागेको छ । यसअघि पूर्वाञ्चनको झापाको अर्जुनधारा र सुनसरीको धरान बराहक्षेत्रमा अठार पुराण सम्पन्न भइसकेको पुराण मूल आयोजक समितिका संयोजक सन्दिप कुमार बुढाथोकीले बताउनुभयो । इलाममा हुन लागेको पुराणमा चर्चित भागवत मञ्जरी राधिका दासीबाट कथा वाचन हुनेछ । पुराणमा बिशिष्ट किराँत धर्मगुरुबाट मुन्धुम र बौध धर्मगुरुबाट दोमाङ्ग पाठ समेत हुनेछ भने १७ वटा पुराणको पाठ पारायण समेत हुनेछ ।
विगत वर्षहरूमा इलाम जिल्लाका विभिन्न शक्ति पीठमा १७ पुराण सफलतापूर्वक पाठ एवं वाचन सम्पन्न गरिएको थियो । यस धार्मिक महोत्सवबाट आन्तरिक तथा बाह्य धार्मिक पर्यटकलाई इलाममा आकर्षित गरी सिङ्गो इलामको विकास गर्ने लक्ष्य लिइएको छ । पुराण सम्पन्न गर्न एक मूल आयोजक समिति सहित ४३ वटा उपसमिति गठन गरीएको छ । पुराण हुने स्थललाई अहिले बेहुली झैं सिंगारीएको छ । यस्तै मन्दिर परिसरमा ३५ फिट अग्लो त्रिशुल समेत राखिएको छ । पुराण सम्पन्न गर्न ६२ लाख रुपैंयाँसम्म खर्च हुने र एक करोड संकलन हुने अनुमान आयोजकको छ । यो रकम सबै भक्तजन र एवं दाताहरुबाट संकलन हुने अपेक्षा रहेको छ । पुराणमा ३० देखि ५० हजारसम्म भक्तजन उपस्थित हुने अपेक्षा आयोजकले लिएको छ । पुराणबाट उठेको रकमबाट सम्पूर्ण खर्च कटाएर पुराण आयोजना भएको प्राङ्गण एवं मन्दिर परिसरमा बहुभाषिक, बहुसांस्कृतिक धार्मिक संग्राहलय बनाउने उद्येश्य आयोजकले राखेको छ । यता पुराणलाई सफल बनाउन अहिले सोहि वडाबासि मात्रै नभएर सिंगो इलामबासि नै लागि परेका छन् । पुराण स्थलमा हाल मण्डप निर्माणदेखि लिएर हरेक कामहरु ८० प्रतिशत सम्पन्न भइसकेको बताइएको छ । पुराणको उद्घाटनमा कलशयात्रा निकालिनेछ ।
![](https://nepalbani.org.np/uploads/news/images/thumb255/1495248405IMG_5059.jpeg)
इलाममा भब्यताका साथ रोपाईजात्रा मनाइयो
गणेश घिमिरे भदौ ६, इलाम मौलिक संस्कृतिका रूपमा स्थापित रोपाईजात्रा बिहीबार इलाम बजारमा निकालिएको छ । जात्रामा धान रोप्दा गरिने कृयाकलापसँग
![](https://nepalbani.org.np/uploads/news/images/thumb255/97645654nepali-tea-garden-1.jpeg)
‘कृषिप्रधान देश’को सरकार नै अर्गानिक चियाबारे बेखबर
गणेश घिमिरे साउन २३, इलाम बर्सेनि चार अर्ब हाराहारी विदेशी मुद्रा आर्जन गरिरहेको चिया क्षेत्र, त्यसमा पनि अग्र्यानिक चिया अहिलेसम्म सरकारले चिन्न
![](https://nepalbani.org.np/uploads/news/images/thumb255/671975790kkk.jpeg)
इलाममा पनि मनाइयो चौथो कोदो दिवस
गणेश घिमिर साउन १५, इलाम इलाममा रैथाने बाली कोदो प्रवर्द्धनका लागि इलाममा चौथो राष्ट्रिय कोदो दिवस मनाइएको छ । इलामको देउमाई नगरपालिका स्थित
प्रतिकृया दिनुहोस