इलाममा गजराजसिंह थापा सामुदायिक पुस्तकालय स्थापना
![](https://nepalbani.org.np/uploads/news/images/1291779960pustakalaya.jpeg)
गणेश घिमिरे
असार २७, इलाम
इलाम सदरमुकाममा सामुदायिक पुस्तकालय स्थापना गरीएको छ । इलाम नगरपालिका स्थित अरनीको संग्राहलयमा गजराजसिंह थापा सामुदायिक पुस्तकालयको स्थापना गरीएको हो । पछिल्लो समयबढ्दो प्रबिधि तर्फ मानिसको आकर्षण बढ्दा पठन संस्कृति हराउँदै गएको अवस्थामा पठन संस्कृतिको बिकासका निम्ति सामुदायिक पुस्तकालयको स्थापना गरीएको हो ।
इलाम नगरपालिकाको साहित्य कला संगित प्रतिष्ठानले पुस्तकालयको स्थापना गरेको प्रतिष्ठानका अध्यक्ष प्रकाश थाम्सुहाङ्गले बताउनुभयो । जिल्लामा सामुदायिक पुस्तकालय नभइरहेको अवस्थामा सदरमुकाममा सामुदायिक पुस्तकालय स्थापना गरीएको हो । कार्यक्रममा इलाम नगरपालिकाका प्रमुख केदार थापाले यो पुस्तकालय स्थापनाले पाठकको आकर्षणका लागि केन्द्रबिन्दु बन्न सक्ने बिश्वास ब्यक्त गर्नुभयो । पुस्तकालयमा आएर इतिहासका कुराहरु पढ्न बुझन पाइने भएकाले यसको प्रचार प्रसारमा जरुरी रहेको मेयर थापाको भनाई थियो ।
२०७८ सालमा अरनिको सांस्कृतिक संग्राहलयका रूपमा सञ्चालनमा ल्याइएको संग्राहलयमा ऐतिहासिक महत्वका तथा पुराना सामग्रीहरू संगृहित गरिएको छ । इलाम भित्रने पर्यटकलाई आकर्षणको केन्द्र बनाउन पुस्तकालय समेत स्थापना गरिएको प्रतिष्ठानले जनाएको छ । पुस्तकालय रहेको संग्राहलयको भवनमा तत्कालीन वडा हाकिम गजराज सिंह थापाले प्रशासन सञ्चालन गरेको इतिहास छ । इलामबाटै नेपाली चिया रोपण सुरु गराउने पहिलो व्यक्ति गजराजसिंहको सम्झनामा पुस्तकालय स्थापना गरीएको हो । संग्राहालयमा पुर्खाले प्रयोग गरेका प्रशासनिक तथा घरेलु सामग्री, कृषि सामग्री, हस्तकला, विभिन्न जातीय संस्कृति, पोसाक, ढिकी, जाँतो, तेल पेल्ने कोल, पञ्चे बाजा, पुर्खाहरूले प्रयोग गरेका पैसालगायतका सामग्री छन् ।
पुस्तकालयमा विभिन्न दाताले उपलब्ध गराएका नेपाली साहित्यका महत्वपूर्ण कृतिहरू अन्य विभिन्न पठन योग्य सामग्री रहेका छन् । पुस्तकालयमा हाल करिब बिभिन्न बिषयसंग सम्बन्धित तीनसय बढी पुस्तकहरु रहेको बताइएको छ ।
![](https://nepalbani.org.np/uploads/news/images/thumb255/1495248405IMG_5059.jpeg)
इलाममा भब्यताका साथ रोपाईजात्रा मनाइयो
गणेश घिमिरे भदौ ६, इलाम मौलिक संस्कृतिका रूपमा स्थापित रोपाईजात्रा बिहीबार इलाम बजारमा निकालिएको छ । जात्रामा धान रोप्दा गरिने कृयाकलापसँग
![](https://nepalbani.org.np/uploads/news/images/thumb255/97645654nepali-tea-garden-1.jpeg)
‘कृषिप्रधान देश’को सरकार नै अर्गानिक चियाबारे बेखबर
गणेश घिमिरे साउन २३, इलाम बर्सेनि चार अर्ब हाराहारी विदेशी मुद्रा आर्जन गरिरहेको चिया क्षेत्र, त्यसमा पनि अग्र्यानिक चिया अहिलेसम्म सरकारले चिन्न
![](https://nepalbani.org.np/uploads/news/images/thumb255/671975790kkk.jpeg)
इलाममा पनि मनाइयो चौथो कोदो दिवस
गणेश घिमिर साउन १५, इलाम इलाममा रैथाने बाली कोदो प्रवर्द्धनका लागि इलाममा चौथो राष्ट्रिय कोदो दिवस मनाइएको छ । इलामको देउमाई नगरपालिका स्थित
प्रतिकृया दिनुहोस