गणेश घिमिरे
साउन १०, इलाम 
पालिकाभित्रबाट प्रतिभावान खेलाडी उत्पादन गर्ने उद्येश्यले इलामको चुलाचुली गाउँपालिकामा चुलाचुली च्याम्पियन्स लिग २०८१ सुरु हुने भएको छ । चुलाचुलीको इतिहासमा नौलो प्रयासस्वरुप आउँदो साउन १२ गतेबाट खेल सुरु हुनेछ । चुलाचुली गाउँपालिकाका ६ वटा वडाका दुई÷दुईवटा क्लब गरी १२ वटा क्लबले लिगमा सहभागिता जनाउनेछ । प्रतियोगितामा ग्रुप स्टेजका खेलहरु सोहि गाउँपालिकाको वडा नम्बर ४ स्थित बालज्योती माविको खेलमैदानमा हुने भएको छ । लिगमा टप आठमा पुग्ने क्लबहरुले होम अवे गरी खेल खेलाइने भएको बताइएको छ ।

प्रतियोगितालाई सम्पन्न गर्न लिग सञ्चालन समितिका अध्यक्ष कैलाश थुलुङ्गको अध्यक्षतामा वडा नम्बर १ देखि वडा नम्बर ६ सम्मै सञ्चालन समिति बनाएर गठन भइसकेको छ । १२ वटा क्लबलाई चारवटा समूहमा बिभाजन गरीएको छ भने खेल तालिका समेत सार्वजनिक भइसकेको छ । चुलाचुली च्याम्पियन्स लिग सञ्चालक समितिको आयोजना तथा सिद्धार्थ फूटबल क्लब, स्टार स्पोटीङ्ग क्लब र एमफसिको सहआयोजनामा लिग सञ्चालन हुन लागेको हो । लिग सञ्चालनको क्रममा आयोजकले क्लब तथा खेलाडीका लागि १२ बुँदे नियमहरु समेत बनाएको छ । सोहि नियमभित्र बसेर क्लब तथा खेलाडीहरुले प्रतियोगिता खेल्नुपर्नेछ । प्रतियोगितालाई सफल बनाउन स्थानीयबासि सहित बिभिन्न प्रायोजकहरु त्था पालिका र वडाबाट आर्थिक सहयोग भएको प्रतियोगिता संयोजक कैलाश थुलुङ्गले बताउनुभयो । उहाँका अनुसार भदौ १६÷१७ गतेसम्म हुने उक्त लिगमा एउटा क्लबले पालिका बाहिरका ३ जना खेलाडी राख्न पाउने नियम बनाएको छ । पालिकाबाट प्रतिभावान खेलाडी उत्पादनसंगै पालिकाको एउटा सशक्त टिम उत्पादन गर्ने उद्येश्यले स्थानीय युवाहरुको सक्रियतामा हुन लागेको लिग च्याम्पियनले एकलाख र उपबिजेताले ५० हजार पुरस्कार पाउनेछ ।

यस्तै बिभिन्न बिधाका उत्कृष्ट खेलाडीहरु समेत पुरस्कृत हुने आयोजकले जनाएको छ । खेल नाइन साइडको हुनेछ । पछिल्लो समय ग्रामिण भेगमा यस्ता किसिमको फूटबलको गतिबिधि बढ्नुले इलामको फूटबल क्षेत्रको बिकासमा महत्वपूर्ण योगदान पुग्ने एन्फा कोशि प्रदेशका उपमहासचिब एवं जिल्ला फूटबल संघ इलामका उपाध्यक्ष पूर्णफत्र लिम्बूले बताउनुभयो । प्रतिभा भएर पनि अवसर नपाएर बसेका प्रतिभावान खेलाडीहरु गाउँगाउँबाट उत्पादन हुन चुलाचुली च्याम्पियन्स लिग कोशेढुंगा साबित बन्न सक्ने जिल्ला फूटबल संघका अध्यक्ष बिक्रम श्रेष्ठको भनाई छ । 
 

सेतीदेवीको साधारण सभामा बिभिन्न बिधामा उत्कृष्ट सदस्यलाई सम्मान

गणेश घिमिरे पुष २७, इलाम  सेतीदेवी बहुउद्येश्यिय सहकारी संस्था इलामको २७ औं बार्षिक साधारण सभा सदरमुकाममा शनिबार सम्पन्न भएको छ । सभाको उद्घाटन

बिभिन्न आरोह अबरोह पार गर्दै शताब्दी सहकारीको २५ बर्ष पूरा, मेयर÷पूर्व उपमेयर र पूर्व अध्यक्ष्यलाई बिशिष्ठ सम्मान

गणेश घिमिरे पुष २७, इलाम  बिभिन्न आरोह अबरोह पार गर्दै शताब्दी बचत तथा ऋण सहकारी संस्था इलामले आफनो २५ औं बर्षगाठ (रजत जयन्ती) मनाएको छ । रजत जयन्ती

सहयात्रालाई नगरपालिकाले दुईलाख सम्म सहयोग गर्ने

गणेश घिमिरे पुष २२, इलाम  सहयात्रा नेपाल, इलामको १० औं बार्षिक साधारण सभा इलाम सदरमुकममा सोमबार सम्पन्न भएको छ । हेमकुमारी (गंगा) शिबाको अध्यक्षता एवं