गणेश घिमिरे
साउन २३, इलाम 
बर्सेनि चार अर्ब हाराहारी विदेशी मुद्रा आर्जन गरिरहेको चिया क्षेत्र, त्यसमा पनि अग्र्यानिक चिया अहिलेसम्म सरकारले चिन्न नसकेको उद्योगिहरुको गुनासो छ । व्यापार र आम्दानीमात्र होइन, विश्वमा नेपालको नाम चिनाउनेसमेत सम्भावना रहेको अर्गानिक चियालाई अहिलेसम्मका कुनैपनि सरकारले पहिचानै गर्न सकेको छैन । अर्गानिक तयारी चियाको तेस्रो मुलुक बजार सम्भावना उच्च रहेपनि यो क्षेत्र वर्षाैंदेखि सरकारी बेवास्तामा छ । अर्गानिक चिया उत्पादनको लहर चलेको डेढ दशक बितिसक्दा पनि उत्पादक र व्यवसायी अझै पुरानै चुनौती सामना गरिरहेका छन् । ‘कृषिप्रधान देश’को सरकार अर्गानिक चियाबारे बेखबर छ । यो चिया अर्गानिक हो वा होइन भनेर गुणस्तर छुट्याउने विश्वासिलो प्रयोगशालासमेत देशभित्र छैन । किसान र उद्योगीले मेरो चिया अर्गानिक हो भन्ने प्रमाणित गर्नमात्र पनि विभिन्न देशका प्रयोगशालामा हजारौं रुपैयाँ खर्चिनु परिरहेको छ । नेपाली अर्गानिक चिया अहिले पनि विश्वका डेढ दर्जनभन्दा बढी देशमा निर्यात हुन्छ । त्यो पनि उच्च मूल्यमा । तर, प्रोत्साहन नहुँदा अर्गानिक चिया उत्पादन नै ज्यादै थोरै छ । देशभरबाट पौने तीन करोड किलो तयारी चिया निर्यात हुँदा पहाडी अर्थाेडक्स चियाको परिमाण ७० लाख किलो हाराहारी छ । उत्पादन न्यून रहेको यही अर्गानिक अर्थाेडक्स चियाको माग जहिले पनि उच्च हुन्छ तेस्रो मुलुकमा । यो वर्ष पनि उत्पादकले धान्न नसक्ने गरीको माग छ । पछिल्लो समय यसबाट हुने आम्दानी पनि उसैगरी बढ्दो छ । किसान र उद्योगीले आफ्नै बलबुतामा इलामे अर्गानिक अर्थाेडक्स चिया विश्वका लाखौं उपभोक्ताको गिलाससम्म पु¥याउन प्रयत्न गरिरहेका छन् । उनीहरूकै प्रयासमा जसरी नेपाली चियाले विश्वमा चर्चा कमाउँदैछ, यसबाट अवसर र सम्भावना उसैगरी झाँगिदैछ । ‘अर्गानिक चिया अभियान’ जिल्लाभर फैलिएपनि सरकारी बेवास्ताले सिथिल हुने अवस्था आइरहेको इलामका चिया उद्योगि उदय चापागाईको भनाई छ । 
 

बजार अनुगमन थाल्यो इलाम नगरपालिकाले, २० हजार मूल्य बराबरको सामान जफत

गणेश घिमिरे असोज २१, इलाम  नेपालीहरुको महान चाड बिजयदशमी सुरु भएसंगै इलाम बजार क्षेत्रको बजार अनुगमनलाई तिब्रता दिन थालिएको छ । ठूला चाडबाढ

इलाममा पनि मनाइयो चौथो कोदो दिवस

गणेश घिमिर साउन १५, इलाम  इलाममा रैथाने बाली कोदो प्रवर्द्धनका लागि इलाममा चौथो राष्ट्रिय कोदो दिवस मनाइएको छ । इलामको देउमाई नगरपालिका स्थित

सन्दकपुर गाउँपालिकामा कृषि एम्बुलेन्स संचालनमा 

गणेश घिमिरे असार २७, इलाम      इलामको सन्दकपुर गाउँपालिकामा कृषि एम्बुलेन्स संचालनमा आएको छ । गाउँपालिकाले आर्थिक वर्ष २०८०÷०८१ को संघीय