गणेश घिमिरे
भदौ ६, इलाम 
    मौलिक संस्कृतिका रूपमा स्थापित रोपाईजात्रा बिहीबार इलाम बजारमा निकालिएको छ । जात्रामा धान रोप्दा गरिने कृयाकलापसँग विभिन्न जातजातीको संस्कृति र कला झल्काउने खालको अभिनय गरीएको थियो । अघिअघि गोरुहली र बाउसे अनि पछिपछि रोपहारले धान रोपेझैं रोपाइँको झल्को दिएको जात्रामा रम्न जिल्लाभित्र र बाहिरबाट आएकाहरूको भीड लागेको थियो । जात्रामा बिभिन्न बिधामा चारसयजना कलाकारले अभिनय गरेका थिए ।  

 नेपाल भाषा तथा साहित्य समाजले आयोजना गरेको जात्रामा नेवार, लिम्वु, तामाङ, गुरुङ्ग, राई लगायत जातजातीका मौलिक भेषभूषा र संस्कृति समेत प्रदर्शन गरिएको थियो । राणा शासन काल देखिनै नेवार जातीले सुरु गरेको यो जात्रा अहिले आएर सम्पूर्ण इलामको पर्वको रुपमा विकास भएको छ । रोपाइँजात्रा नेवारहरू भित्रिएसँगै सुरु भएको मानिए पनि पछिल्लो समय सबै जाति र समुदायले स्थानीय पर्वको रूपमा मनाउने गरेका छन् । जात्रालाई स्थानीय पर्वको रूप लिँदै स्थानीय सरकारले स्थानीय बिदा समेत दिँदै आएको छ । जात्रामा पञ्चेबाजासहित विभिन्न जातजातिका बाजागाजा, नाचगानका साथ मनोरञ्जन दिलाइएको थियो । नेवार र लिम्बू संस्कृतिसँग मिल्दोजुल्दो देखिने जात्रामा पछिल्लो समयमा सबै समुदायले सहभागिता जनाउने गरेका छन् । जात्राले एकातिर स्थानीयवासी र पर्यटकलाई आनन्दित बनाएको छ भने नयाँ पुस्तालाई संस्कृति सिक्ने र बुझ्ने अवसर पनि दिलाएको स्थानीय सुदिप श्रेष्ठले बताउनुभयो । एक सय वर्षभन्दा लामो समयदेखि इलामको मौलिक संस्कृतिका रूपमा जात्रा स्थापित भएको छ ।  

राणा शासनका समयमा इलामका तत्कालीन बडाहाकिम गजराजसिंह थापाले बिक्रम संबत १९७२ मा सुुरु गरेको रोपाइजात्रा बिगत १२÷१३ बर्ष अघिबाट नेपाल भाषा तथा संस्कृति समाजको अगुवाईमा निकाल्दै आएको छ । यसले जिल्लाको पर्यटन प्रवद्र्धनसँगै मौलिक संस्कृतिको संरक्षणमा समेत सहयोग पु¥याउँदै आएको आयोजक समितिका अध्यक्ष प्रबिन श्रेष्ठको भनाई छ । नेवार समुदायमा गठेमंगले मनाएपछि चाडपर्वको आगमन हुने विश्वास रहँदै आएको छ । यो जात्रामा पुरुषले पनि महिलाको पहिरन लगाएर धान रोपेको दृष्य मनमोहक देखिन्थ्यो । जात्रा हेर्न इलामका गाउँ गाउँ सहित पाँचथर, झापा, ताप्लेजुङ र भारतको दाजिलिङ, सिक्किमबाट पनि पर्यटकहरु आएका थिए । जात्रामा लाखे भलाखे, मुङग्रेको नाच हेर्न मनमोहक थियो ।

यस्तै जात्रामा नेवार समुदायका बालबालिकाले लठिठ नृत्य समेत प्रस्तुत गरेका थिए । जनैपुर्णिमा सकिएपछि कृष्णाजन्माष्टमी आउनुअघिको बिहीबार पारेर इलाम सदरमुकाममा रोपाइँजात्रा निकालिने प्रचलन रहँदै आएको छ । रोपाइजात्रा जिल्लाका मंगलबारे, फिक्कल, नाम्सालिङ, दानाबारी लगायत क्षेत्रमा पनि जात्रा निकालिने गरिन्छ ।
 

गोरखमा दोस्रो संस्करणको गोरख भेट्रान्स कप हुँदै 

इलाम , भदौ २९ इलामको सूर्योदय नगरपालिका ५ मा आउँदो कात्तिक ७ देखि १० गतेसम्म दोस्रो संस्करणको गोरख भेट्रान्स कपको आयोजना गरीने भएको छ । गोरख टोल बिकास

काँग्रेस केन्द्रिय समितिद्धारा इलाम नगरपालिकालाई राजधानिमा सम्मान

गणेश घिमिरे भदौ २७, इलाम  इलाम नगर स्थानीय तह वित्तीय सुशासन जोखिम मूल्यांकन (एफआरए)मा देशभरकै पहिलो भएको छ । संघीय मामिला तथा सामान्य प्रशासन

जिससको समिक्षा बैठकमा पालिकाका प्रमुख–उपप्रमुख सहित दलकै बेवास्ता,   जिससलाई प्रशासनले डोमिनेट गर्न खोजेको भन्दै प्रमुखको आपत्ति

गणेश घिमिरे भदौ २७, इलाम     इलामका स्थानीय तहका प्रमुख तथा उपप्रमुखले जिल्ला समन्वय समिति (जिसस) इलामको समिक्षा बैठकलाई बेवास्ता गरेका छन् । यो