गणेश घिमिरे
मंसिर ९, इलाम 
उद्यमीहरुलाई सम्मान गर्दै इलाममा घरेलु तथा साना उद्योग कार्यालयले दशौं उद्योग दिवस मनाएको छ । कार्यालयले जडिबुटि प्रशोधन केन्द्र सञ्चालन गर्नेदेखि कृषि फर्म, सिलाई कटाई ब्यबसाय गर्ने, होटल सञ्चालन गर्ने, डेरी र अचार उद्योग सञ्चालन गर्ने ६ जना उद्यमी र एउटा कृषि प्रशोधन उद्योग चलाउने साना किसानलाई सम्मान गरेको हो । कार्यालयका कार्यालयका जडिबुटि प्रशोधन केन्द्रका सञ्चालक माईजोगमाइ ६ का नित्यराज दाहाल, सुबास कृषि फर्मका सञ्चालक देउमाई नगरपालिका ४ का सुबास घिमिरे, सिलाई कटाई ब्यबसायी देउमाई नगरपालिका ४ कि पवित्रा नेपाली, होटल ब्यबसायी इलाम नगरपालिका ७ का राजु देवान, डेरी उद्योग सञ्चालिका सूर्योदय नगरपालिका ३ का तुलु थिङ्ग, अकबरे मसला अचार उद्योगकी सञ्चालिका इलाम नगरपालिका ७ कि गोमा देवी गौतम र रोङ्ग गाउँपालिका ५ रहेको साना किसान कृषि प्रशोधन उद्योगलाई सम्मान गरेको हो । यस्तै कार्यालयले उत्कृष्ट कर्मचारीको रुपमा कम्प्युटर अपरेटर निरोज राईलाई पुरस्कृत गरेको घरेलु कार्यालयका उद्योग शाखा अधिकृत किरण कार्कीले जानकारी दिनुभयो ।

सम्मान कार्यक्रममा कार्यालयका प्रमुख एकनाथ दाहालले उद्यमशिलताको क्षेत्रमा निराशा बढिरहेको अवस्थामा निरन्तर रुपमा उद्यम गरीरहेर रोजगारीको सृजना गरीरहेका उद्यमीलाई प्रतिनिधिमूलक छनौट गरेर उद्यमीलाई सम्मान गरेको बताउनुभयो । यस्तै इलाम उद्योग बाणिज्य संघका अध्यक्ष कृष्ण पौडेलले कच्चा पदार्थमा आधारित उद्योगलाई प्रोत्साहन दिएर अगाडी बढाउन जरुरी रहेको बताउनुभयो । घरेलु तथा साना उद्योग कार्यालय इलामको तथ्याङ्क अनुसार कार्यालयमा हालसम्म ४५ सय ९३ वटा उद्योग दर्ता भएको छ भने १५ सय ८० वटा बाणिज्य फर्म दर्ता भएको छ । 

सेतीदेवीको साधारण सभामा बिभिन्न बिधामा उत्कृष्ट सदस्यलाई सम्मान

गणेश घिमिरे पुष २७, इलाम  सेतीदेवी बहुउद्येश्यिय सहकारी संस्था इलामको २७ औं बार्षिक साधारण सभा सदरमुकाममा शनिबार सम्पन्न भएको छ । सभाको उद्घाटन

बिभिन्न आरोह अबरोह पार गर्दै शताब्दी सहकारीको २५ बर्ष पूरा, मेयर÷पूर्व उपमेयर र पूर्व अध्यक्ष्यलाई बिशिष्ठ सम्मान

गणेश घिमिरे पुष २७, इलाम  बिभिन्न आरोह अबरोह पार गर्दै शताब्दी बचत तथा ऋण सहकारी संस्था इलामले आफनो २५ औं बर्षगाठ (रजत जयन्ती) मनाएको छ । रजत जयन्ती

सहयात्रालाई नगरपालिकाले दुईलाख सम्म सहयोग गर्ने

गणेश घिमिरे पुष २२, इलाम  सहयात्रा नेपाल, इलामको १० औं बार्षिक साधारण सभा इलाम सदरमुकममा सोमबार सम्पन्न भएको छ । हेमकुमारी (गंगा) शिबाको अध्यक्षता एवं