माग पूरा नगरेको भन्दै स्थानीयद्धारा जलविद्युत् आयोजनाको उत्पादन बन्द
![](https://nepalbani.org.np/uploads/news/images/952447929suppermai..jpeg)
गणेश घिमिरे
पुष १०, इलाम
आफूहरूका माग पूरा नगरेको भन्दै स्थानीयले इलामको माइखोलास्थित सुपरमाई जलविद्युत् आयोजनाको उत्पादन बन्द गराएका छन् । माइजोगमाई गाउँपालिका–५ सोयाङ र इलाम नगरपालिका–२ सुम्बेक बीचको माइखोलामा निर्मित आयोजनाको उत्पादन सोमबार रातीबाट बन्द गराएका हुन् । प्रभावित क्षेत्र माइजोगमाई–५ का बासिन्दाले आयोजनाको उत्पादन बन्द गराएको स्थानीय सुमन बेघा लिम्बूले जानकारी दिनुभयो ।
स्थानीयले ७ दशमलव ८ मेगावाट आयोजनाको पावर हाउस गेटमै तालाबन्दी गरेका छन् । आयोजनाले पूर्वसहमति पालना नगरेको र पटक–पटक माग पूरा गराउन आग्रह गर्दा पनि माग पूरा नभएको बेघाको भनाई छ । सिम्ले हुँदै अल्लेखोल्सी–साठीमुरे–प्याङ सडकमा ३० घन्टा एक्स्काभेटर लगाइदिने सहमति पालना हुनुपर्ने र यो सडकमा ३० वर्षसम्मै मर्मतमा सहयोग गर्नुपर्ने, पूर्णज्योति आधारभूत विद्यालयमा पाँच लाख रुपैयाँको अक्षयकोष स्थापना गर्नुपर्ने र आयोजनाको वातावरणीय प्रभाव मूल्यांकनको रिपोर्ट सार्वजनिक गर्नुपर्ने माग छन् । माइखोलामा सेभेन साइटको फुटबल मैदान निर्माणमा आयोजनाले एक्स्काभेटर लगाइदिनुपर्ने र खोलामा सरकारसँगको सम्झौता अनुसारको पानी छाड्नुपर्ने माग आफूहरूको रहेको बताइएको छ ।
माग पूरा नभएसम्म आयोजना चल्न नदिने स्थानीयको अडान छ । आयोजनाले पूर्वसहमति पालना गर्न बेवास्ता गरिएपछि उत्पादन बन्द गर्न बाध्य भएको स्थानीय बताउँछन् । आयोजनाले भने एउटा माग पूरा गर्ने सहमति भएपछि अर्काे माग राखिएको जनाएको छ । आयोजनाका प्रमुख कार्यकारी अधिकृत दिनेशकुमार बर्ताैलाले स्थानीयले वडाको सिफारिसमा उल्लेख गरेका माग आफूहरूले पूरा गर्ने बताउनुभयो । स्थानीयले माइजोगमाई वडा ५ को सिफारिसमा उल्लेख गरी ल्याएको सडकमा ३० घन्टा एक्स्काभेटर लगाउन आयोजनाले सहमति जनाइसकेको सो सहमति पालना गर्ने बर्तौलाको भनाई छ । तर, स्थानीयले थप अरू माग लिएर आएको जनाउँदै उहाँले विद्युत् आयोजनाले कुनै सडक ३० वर्षसम्म मर्मत गर्न सम्भव नहुने उल्लेख गर्नुभयो
![](https://nepalbani.org.np/uploads/news/images/thumb255/124781340ambulance.jpeg)
सन्दकपुर गाउँपालिकामा कृषि एम्बुलेन्स संचालनमा
गणेश घिमिरे असार २७, इलाम इलामको सन्दकपुर गाउँपालिकामा कृषि एम्बुलेन्स संचालनमा आएको छ । गाउँपालिकाले आर्थिक वर्ष २०८०÷०८१ को संघीय
![](https://nepalbani.org.np/uploads/news/images/thumb255/762970063e1783f7e-5fda-4b40-959a-33932ea93414.jpeg)
इलाम नगरको पहलमा साँखेजुङ्गमा प्राङ्गरीक मल उत्पादनको तयारी
गणेश घिमिरे असार २१, इलाम कोशि प्रदेश सरकारको सहयोगमा इलाम नगरपालिकाको एक सहकारीले प्राङ्गरीक मल उत्पादनको तयारी थालेको छ । खेतीबालीमा रसायनीक
![](https://nepalbani.org.np/uploads/news/images/thumb255/6180830850ad50caa-7f3e-4fe1-a4fc-353f1a83b6d7.jpeg)
इलाममा रैथाने बालीको परिकारको प्रदर्शनी
गणेश घिमिरे असार ११, इलाम रैथाने तथा पोषण तर अपहेलित बालीको महत्व र अपहेलित बालीको फाइदाका बारेमा कुनै जानकारी नहुँदा त्यस्ता बालीहरुको
प्रतिकृया दिनुहोस