गणेश घिमिरे
पुष १५, इलाम

गुरुङ समुदायले नयाँ वर्षको रुपमा आइतबार तमु ल्होसार पर्व मनाएका छन् । इलाममा पनि यो समुदायले भब्य रुपमा पर्व मनाएका हुन् । बिगतका समयमा इलाममा गुरुङ समुदायले आ आफनै गाउँघरमा भेला भएर नाचगान गरेर, गुम्बामा पूजापाठ गरेर यो पर्व मनाएपनि यो बर्ष भने इलाम जिल्लाकै इतिहासमै जिल्लाभरका गुरुङ समुदाय इलाम चोक बजारमा भेलिएर बृहत रुपमा पर्व मनाएका हुन् । पर्वको अवसरमा इलाममा तीनदिनसम्म बिभिन्न कार्यक्रम राखिएको छ । पर्वको मुख्य दिन आज चोक बजारमा गुरुङ समुदायको कौडा, रोखि, ख्याली जस्ता नृत्यहरु गुरुङ भेषभूषामा सजिएर प्रस्तुत गरिएको थियो भने गायक गायिका रगुन गुरुङ, इन्द्र गुरुङ र रुपा गुरुङले आफना गितहरु प्रस्तुत गर्नुभएको थियो । यस्तै गुरुङ भाषा संस्कृतिमा योगदान पुरयाउने प्राध्यापक डाक्टर शेखर गुरुङ र सगरमाथा आरोहि याम गुरुङलाई सम्मान गरिएको थियो । पर्वको अवसरमा यो समुदायले इलाममा तीनदिनसम्म खेलकुद कार्यक्रम, सांस्कृतिक कार्यक्रम सञ्चालन गरेको थियो ।

यस्तै चोक बजारमा गुरुङ जातिको खानेकुराको स्टलका भेषभूषको स्टलहरु प्रदर्शनीका लागि राखिएको थियो । यता पविमाया गुरुङको अध्यक्षता एवं संघिय संसद महेश बस्नेतको प्रमुख आतिथ्यमा भएको कार्यक्रममा नेपाली काँग्रेसका सह सचिब देवेन्द्र सुवेदी, नेकपा एमालेका सचिब उमेश गुरुङ लगायतले तमु (गुरुङ) समुदायको महत्वपूर्ण पर्व ल्होसार विश्वकै पुरानो सांस्कृतिक पर्व भएको बताएका थिए । बक्ताहरुले नेपालको राष्ट्रिय संस्कृतिको एउटा कडी ल्होसार परम्परा र संस्कृति भएको औँल्याए । नेपालको संविधानले विविधतामा आधारित राष्ट्रिय एकता र पहिचानलाई संस्थागत गर्दै बहुजातीय, बहुभाषिक, बहुधार्मिक र बहुसांस्कृतिक विशेषता एवं भौगोलिक विविधतालाई राष्ट्रियताको मेरुदण्डका रूपमा आत्मसात गरेको उल्लेख गर्दै नेपालका सबै संस्कृतिको एकीकृत स्वरूप नै नेपालको राष्ट्रिय संस्कृति रहेको बक्ताको भनाई थियो । ‘ल्हो’ को अर्थ वर्ष र ‘सार’ को अर्थ फेरिनुभएकाले वर्ष फेरिने दिनलाई ‘तमु ल्होसार’ भनिएको हो ।

गुरुङ समुदायले बाघ वर्ग अर्थात तो ल्हो लाई बिदाइ गर्दै बिरालो वर्ग हि ल्हो लाई स्वागत गरी धुमधामका साथ ल्होसार मनाउने गरेका छन् ।  इलाममा ८ हजार ९ सयको हाराहारीमा गुरुङ समुदायको जनसंख्या छ । जिल्लाको इलाम नगरपालिका, सन्दकपुर र माइजोगमाई गाउँपालिकामा गुरुङ समुदायको अधिक बसोबास रहेको छ । अन्य पालिकामा गुरुङ समुदाय रहेका छन् । 

महिलालाई आत्मनिर्भर बनाउन सूर्योदयमा पिठो बनाउन सिकाइयो 

गणेश घिमिरे बैशाख २९, इलाम महिलाहरुलाई स्वरोजगार बनाई आत्मनिर्भर बनाउने उद्येश्यले बिभिन्न सिपमूलक तालिमहरु प्रदान गरीदै आएको छ । इलाम जिल्लाका दशै

सिटी मार्टमा शौच गर्न जाँदा पर्यटकमाथि दुब्र्यबहारको प्रयास

इलाम, बैशाख २६ सुदुर पूर्वको इलाम पर्यटकीय जिल्ला हो । यहाँ आन्तरीक तथा बाह्य पर्यटकहरु घुम्न आउने गर्दछन् । जिल्लाको कन्याम, अन्तु संगै धेरै धार्मिक

खेलकुदमा माईजोगमाईको लगाव,  बालागुरु खेलमैदानमा अध्यक्ष कप अन्तरपालिका फूटबल प्रतियोगिता

          गणेश घिमिरे बैशाख २३, इलाम  पछिल्लो समय इलामका दश पालिका मध्ये माईजोगमाई गाउँपालिकाले खेलकुद क्षेत्रलाई बढी प्राथमिकतामा राख्दै