ग्रीनभ्यालीमा अध्ययनरत बिद्यार्थीका अभिभाबकलाई दिइयो ट्राफिक सचेतना
![](https://nepalbani.org.np/uploads/news/images/1319111555uu.jpeg)
गणेश घिमिरे
जेठ २९, इलाम
बढ्दो सवारी साधन दुर्घटनाले मानवीय र भौतिक क्षति बढ्दै गएपछि जिल्ला ट्राफिक कार्यालय इलामले ट्राफिक सचेतना कार्यक्रमलाई तिब्रता दिन थालेको छ । प्रहरीले सचेतना मूलक कार्यक्रमलाई अभियान कै रुपमा सचेतना कार्यक्रम गर्दै आएको छ । सवारी चालकलाई मात्र नभएर बिद्यालयमा अध्ययनरत बिद्यार्थी संगै बिद्यार्थीका अभिभावकलाई समेत ट्राफिक सचेतना कार्यक्रम सुरु गरेको छ ।
सडकको दूरावस्था, त्यसमाथि सवारीसाधनको चाप र चालकको लापरबाहीले इलाममा सडक दुर्घटना बढदै गएपछि ट्राफिक प्रहरीको सक्रियता बढेको हो । यसैक्रममा जिल्ला ट्राफिक कार्यालय इलामले इलाम सदरमुकाममा रहेको ग्रीनभ्याली एकाडेमिमा अध्ययनरत बिद्यार्थीका अभिभावकलाई ट्राफिक सचेतना सम्बन्धि जानकारी गराएको छ । ग्रीनभ्याली एकाडेमिको ब्यबस्थापनमा ट्राफिक कार्यालयले बिद्यालयमै अभिभावकलाई ट्राफिक सचेतना जगाएको हो । ट्राफिक इन्चार्ज प्रहरी नायब निरीक्षक डम्बर बिक्रम दियाली र ट्राफिक हवल्दार रिद्धि खनालले आफनो छोराछोरीलाई सवारी साधन चलाउँदा ध्यान पुरयाउनका लागि अभिभावककै प्रमुख जिम्मेवारी रहेको बताउनुभयो । अभिभावकहरु ट्राफिक नियमको बारेमा जानकार भएमा आफना छोराछोरीलाई ट्राफिक नियमको बारेमा बुझाउन सक्ने हँुदा अभिभावकलाई नै लक्षित गरेर अभिभावकका लागि बिद्यालयमा ट्राफिक सचेतना कार्यक्रम राखिएको बिद्यालयका सञ्चालक कुमार बैद्यले बताउनुभयो ।
विद्यालयलाई दुर्घटना न्यूनीकरणको माध्यमको रुपमा विकास गर्न यस कार्यक्रम राखेको बिद्यालयले जनाएको छ । दुर्घटना बढदै गएका कारण अभिभावक मार्फत बिद्यार्थीलाई सचेत गराउन सचेतना कार्यक्रम राखिएको बताइएको छ । अभिभावकलाई दिइएको सचेतना कार्यक्रममा पैदल हिंड्दा कुन साइडबाट हिड्ने, ट्राफिक संकेतमा के गर्ने के नगर्ने, सवारी साधन चलाउँदा कसरी चलाउन, ट्राफिक लाइटको प्रयोग लगायतका बारेमा जानकारी गराइएको थियो ।
![](https://nepalbani.org.np/uploads/news/images/thumb255/1495248405IMG_5059.jpeg)
इलाममा भब्यताका साथ रोपाईजात्रा मनाइयो
गणेश घिमिरे भदौ ६, इलाम मौलिक संस्कृतिका रूपमा स्थापित रोपाईजात्रा बिहीबार इलाम बजारमा निकालिएको छ । जात्रामा धान रोप्दा गरिने कृयाकलापसँग
![](https://nepalbani.org.np/uploads/news/images/thumb255/97645654nepali-tea-garden-1.jpeg)
‘कृषिप्रधान देश’को सरकार नै अर्गानिक चियाबारे बेखबर
गणेश घिमिरे साउन २३, इलाम बर्सेनि चार अर्ब हाराहारी विदेशी मुद्रा आर्जन गरिरहेको चिया क्षेत्र, त्यसमा पनि अग्र्यानिक चिया अहिलेसम्म सरकारले चिन्न
![](https://nepalbani.org.np/uploads/news/images/thumb255/671975790kkk.jpeg)
इलाममा पनि मनाइयो चौथो कोदो दिवस
गणेश घिमिर साउन १५, इलाम इलाममा रैथाने बाली कोदो प्रवर्द्धनका लागि इलाममा चौथो राष्ट्रिय कोदो दिवस मनाइएको छ । इलामको देउमाई नगरपालिका स्थित
प्रतिकृया दिनुहोस