गणेश घिमिरे
मंसिर ६, इलाम 
इलाममा चेस (बुद्धिचाल) खेलको बिकास संगै यस खेलप्रति खेलाडीको आकर्षण बढाउन होटल ब्यबसायि संघ इलामले पनि चासो देखाएको छ । पछिल्लो समय इलाममा यसखेलप्रति नयाँ नयाँ खेलाडी उत्पादन र जिल्लाका सबै पालिकाहरुमा बुद्धिचाल खेलको बिस्तार बढेसंगै खेलाडीहरुको आकर्षण पनि बढदै गएको छ । इलाममा यस खेललाई बढावा दिन बिगतमा बिद्यालय स्तरीय हुँदै पालिका स्तरीय, जिल्ला स्तरीय, राष्ट्रिय र अन्तराष्ट्रिय स्तर सम्मका खेलहरु भएका छन् ।

दिमागि खेल भएको र उमेरले पनि नछेक्ने भएको हुँदा यसखेलप्रति इलाममा खेलाडीको आकर्षण बढ्दै गएको इलामका अग्रज चेस खेलाडी एवं आरबिटर तारानिधि घिमिरेले बताउनुभयो । यो बिशेष गरेर इलाममा यो खेलप्रति ८ बर्षदेखि ५०÷५५ बर्ष उमेर समूहका बढि आकर्षित भएका छन् । जिल्लामा बुद्धिचाल खेल फस्टाउँदै जान थालेपछि जिल्लाका बिभिन्न पालिकादेखि लिएर संघ संस्थाले पनि यस खेलको बिकासलाइृ अगाडी बढाउन थोर–धेर लगानी गर्दै समेत आएका छन् । यसैक्रममा होटल ब्यवसायि संघ र इलाम उद्योग वाणिज्य संघ इलामको संयुक्त आयोजनामा ( मंसिर ८ गते) शुक्रबार जिल्ला स्तरीय प्रतियोगिताको आयोजना गरेको छ । जिल्ला बुद्धिचाल संघ इलामको ब्यबस्थापनमा हुने प्रतियोगितामा जिल्लाभरका चेस खेलाडीहरुले सहभागिता जनाउने बुद्धिचाल संघ इलामका अध्यक्ष प्रकाश परियारले जानकारी दिनुभयो ।

इलाममा खेल पर्यटनको बिकाससंगै होटल ब्यबसायि संघले आयोजना गरेको दुईदिने फुड फेस्टिबल, इलाम सदरमुकाममै हुन लागेको कोशि प्रदेश होटल महासंघको अधिबेशन एवं कोशि प्रदेश पर्यटन बर्षको अवसरमा यो प्रतियोगिता गराउन लागेको होटल ब्यबसायि संघ इलामका अध्यक्ष देवी पौडेलले बताउनुभयो । प्रतियोगितामा बिभिन्न बिधामा बिजयी खेलाडीहरुलाई पुरस्कार प्रदान गरीने संघका महासचिब प्रकाश चापागाईले जानकारी दिनुभयो । यो प्रतियोगिता स्विस लिगको आधारमा खेलाइने जिल्ला बुद्धिचाल संघ इलामका पूर्व अध्यक्ष एवं आरबिटर याम लिम्बूले जानकारी दिनुभयो । 

बैसाख महिनादेखि देउमाई बाटै राष्ट्रिय परिचयपत्र विरतण

    आउँदो बैसाख महिनादेखि राष्ट्रिय परिचयपत्रको विवरण सङ्कलन र राष्ट्रीय परिचयपत्र (कार्ड) वितरण इलामको देउमाई नगरपालिका स्थित मङ्गलबारेबाटै हुने

इलाममा सडक फुड फेस्टिबल सुरु

गणेश घिमिरे चैत्र ३१, इलाम     स्थानीय रैथाने तथा लोपहुँदै गएका विभिन्न जातजातिका परिकारहरुको संरक्षण र सम्बद्र्धन गर्ने उद्देश्यले इलाममा नयाँ

नयाँ बर्षको अवसरमा इलाममा उद्यमी फुड फेस्टिबलको आयोजना 

गणेश घिमिरे चैत्र २९, इलाम  स्थानीय रैथाने तथा लोपहुँदै गएका विभिन्न जातजातिका परिकारहरुको संरक्षण र सम्बद्र्धन गर्ने उद्देश्यले इलाममा नयाँ बर्ष