कोशी र मधेश प्रदेशको पर्यटकीय स्थलहरुलाई गण्डकी प्रदेशको पर्यटकीय स्थलहरु सम्म जोड्ने पर्यटन प्याकेज तयार गर्ने तयारी शुरु भएको छ । नेपाल एशोसिएसन अफ टुर एण्ड ट्राभल एजेण्टस् (नाट्टा) को गण्डकी प्रदेश समितिले पूर्व र मधेश घुम्न आउने पर्यटकलाई गण्डकीको पर्यटकीय स्थलहरु पोखरा, कुस्मा र मुक्तिनाथ जस्ता पर्यटकीय गन्तब्यसम्म पु¥याउने प्रयास थालेको हो ।

नाट्टा गण्डकीले आज इलाममा एक अन्र्तक्रिया कार्यक्रमको आयोजना गरि कोशी, मधेश र गण्डकीको पर्यटनको प्याकेज तयार गर्ने र राष्ट्रिय तथा अन्तराष्ट्रिय स्तरमा सो को प्रचारप्रसार गर्ने जानकारी दिएको छ । नाट्टा गण्डकीकी प्रथम उपाध्यक्ष संगिता पौडेलले इलामका पर्यटकीय स्थलहरु सन्दकपुर, इलामको चियाबारी र श्रीअन्तु अत्याधिक रुपमा भ्रमण गर्न आउने भारतको पश्चिम बंगालका पर्यटकलाई गण्डकीसम्म पु¥याउन सक्ने आधार तयार गर्न प्रयास थालिएका बताइन् ।

कोशी प्रदेशका अन्य पर्यटकीय स्थलहरु ताप्लेजुङको पाथिभरा मन्दिर, धनकुटाको भेडेटार जस्ता स्थलहरुको समेत संयुक्त प्याकेजमा समेट्ने उनले बताईन् । उनले भनिन्, ‘भारतको पश्चिम बंगाल, कोशी र मधेशका पर्यटकहरुलाई पोखरा र कुस्मामा सञ्चालित सहासिक खेलहरु प्याराग्लाइडिङ, अल्ट्रालाइट, बञ्जीजम्पको मनोरञ्जनसँग अभ्यस्त बनाउने पनि हाम्रो उद्देश्य हो ।’

भारतको पश्चिम बंगालका कोलकाता, सिलिगुडी, कुचविहार र दुर्गापुर जस्ता स्थानहरुबाट बंगाली पर्यटकहरु इलामको सन्दकपुर, इलामको चियाबारी र श्रीअन्तु आउने क्रम हाल बढेको छ । पश्चिम बंगालबासीका लागि नेपाल र भारतका हिमालहरु हेर्न पाउने तथा सुर्योदयको उत्कृष्ट दृष्यावलोकन गर्न सकिने सबैभन्दा नजिकको दुरीमा रहेको स्थलको रुपमा सन्दकपुरको हाल प्रचारप्रसार भईरहेको छ । गर्मी सिजनमा यी स्थानहरु वंगाली पर्यटकले भरिभराउ हुने गरेका छन् । बंगाली पर्यट

कार्यक्रममा नाट्टा गण्डकीका अध्यक्ष किशोर दहालले कोशीको राजधानी विराटनगर र जनकपुरमा समेत पर्यटन समन्वयका लागि नाट्टा गण्डकीले कार्यक्रमहरु तय गरेको बताए । कोशी र मधेश प्रदेशका विभिन्न स्थानहरुमा आयोजना गरिने कार्यक्रमहरुबाट प्राप्त निश्कर्षपछि प्याकेज तयार गर्ने र तत्काल प्रचारप्रसार गर्ने दाहालले जानकारी दिए । इलाम नगरपालिकाका प्रमुख केदार थापाले तीन प्रदेशस्तरीय पर्यटन प्याकेजले सबै प्रदेशले लाभ लिनसक्ने टिप्पणी गरे ।

पोखरा लगायतका गण्डकीका पर्यटकीय स्थलहरुमा घुम्न आउने स्वदेशी तथा विदेशी पर्यटकहरुलाई इलामसम्म ल्याउन सकिने इलाम नगरपालिकाका प्रमुख थापाले विश्वास व्यक्त गरे । इलाम नगरपालिकाले पर्यटन प्याकेज निर्माण तथा प्रचारप्रसारमा सहयोग गर्ने प्रमुख थापाले प्रतिबद्धता व्यक्त गरे ।

सेतीदेवीको साधारण सभामा बिभिन्न बिधामा उत्कृष्ट सदस्यलाई सम्मान

गणेश घिमिरे पुष २७, इलाम  सेतीदेवी बहुउद्येश्यिय सहकारी संस्था इलामको २७ औं बार्षिक साधारण सभा सदरमुकाममा शनिबार सम्पन्न भएको छ । सभाको उद्घाटन

बिभिन्न आरोह अबरोह पार गर्दै शताब्दी सहकारीको २५ बर्ष पूरा, मेयर÷पूर्व उपमेयर र पूर्व अध्यक्ष्यलाई बिशिष्ठ सम्मान

गणेश घिमिरे पुष २७, इलाम  बिभिन्न आरोह अबरोह पार गर्दै शताब्दी बचत तथा ऋण सहकारी संस्था इलामले आफनो २५ औं बर्षगाठ (रजत जयन्ती) मनाएको छ । रजत जयन्ती

सहयात्रालाई नगरपालिकाले दुईलाख सम्म सहयोग गर्ने

गणेश घिमिरे पुष २२, इलाम  सहयात्रा नेपाल, इलामको १० औं बार्षिक साधारण सभा इलाम सदरमुकममा सोमबार सम्पन्न भएको छ । हेमकुमारी (गंगा) शिबाको अध्यक्षता एवं