खेलकुदमा माईजोगमाईको लगाव, बालागुरु खेलमैदानमा अध्यक्ष कप अन्तरपालिका फूटबल प्रतियोगिता
![](https://nepalbani.org.np/uploads/news/images/1586007008iii.jpeg)
गणेश घिमिरे
बैशाख २३, इलाम
पछिल्लो समय इलामका दश पालिका मध्ये माईजोगमाई गाउँपालिकाले खेलकुद क्षेत्रलाई बढी प्राथमिकतामा राख्दै खेलकुदका गतिबिधि बाक्लै गराउन थालेको छ । बिकास निर्माण दखि शिक्षा, स्वास्थ्य, सिंचाई, कृषि, पशुपालन, पर्यटन लगायतका क्षेत्रलाई पनि प्राथमिकतामा राखेर काम गर्दै आएको पालिकाले खेलकुदलाई अझ बढी प्राथमिकता राखेर काम गर्दै आएको छ । पालिकामा गठित माईजोगमाई गाउँपालिका खेलकुद बिकास परिषदको बढ्दो सक्रियताले पनि यस पालिकामा खेलकुदका गतिबिधि बाक्लै मात्रामा हुन थालेको हो । यसैक्रममा आउँदो बैशाख २५ गतेबाट दोस्रो संस्करणको माईजोगमाई गाउँपालिका अध्यक्ष कप अन्तरपालिका आमन्त्रित फूटबल प्रतियोगिता हुन लागेको छ । पालिकाको केन्द्र नयाँबजारमा रहेको बालागुरु खेलमैदानमा बैशाख ३१ गतेसम्म प्रतियोगिता सञ्चालन हुनेछ ।
धार्मिक एवं प्राकृतिक पर्यटकीय स्थल समेत रहेको यस पालिकामा हुने बिभिन्न किसिमका खेलकुदका गतिबिधिले पालिकाको खेल पर्यटनमा समेत सघाउ पुग्ने अपेक्षा रहेको प्रतियोगिता आयोजक समितिका सचिव महेश सापकोटाले बताउनुभयो । प्रतियोगितामा माईजोगमाई गाउँपालिका सहित जिल्लाका सबै दश पालिकाले नै सहभागिता जनाउनेछन् । माईजोगमाई गाउँपालिका खेलकुद बिकास परिषदले आयोजना प्रतियोगिताको खेल तालिका समेत सार्वजनिक भइसकेको छ । जसमा उद्घाटन खेल सन्दकपुर गाउँपालिका र इलाम नगरपालिकाबीच हुनेछ । यस्तै २६ गते फाकफोकथुम गाउँपालिका र सूर्योदय नगरपालिका, २७ गते माईजोगमाई र रोङ गाउँपालिका, तथा देउमाई नगरपालिका र चुलाचुली गाउँपालिकाबीच प्रतिष्पर्धा हुनेछ । यस्तै २८ गते पहिलो सेमिफाईनलमा सन्दकपुर र इलामको बिजेतासंग माङसेबुङ गाउँपालिका तथा सोहि दिन हुने अन्तिम सेमिफाइनलमा फाकफोकथुम र सूर्योदयको बिजेतासंग माई नगरपालिकाले प्रतिष्पर्धा गर्नेछ । प्रतियोगिताको बिजेताले २ लाख ११ हजार १ सय र उपविजेताले १ लाख २१ ह्जार १ सय ११ रुपैंयाँ सहित ट्रफि, मेडल र प्रमाणपत्र प्राप्त गर्नेछ । यस्तै बिभिन्न बिधामा उत्कृष्ट खेलाडीहरु पनि पुरस्कृत हुनेछन् । प्रतियोगिता ९ साइडमा संचालन हुनेछ । गतबर्षबाट सुरु भएको यस प्रतियोगिताको पहिलो संस्करणको च्याम्पियन लाम नगरपालिका बनेको थियो ।
यस प्रतियोगितामा पालिका भित्रका खेलाडीहरु मात्र समावेश गर्न पाउने नियम आयोजकले बनाएको छ । यस किसिमको नियमले हरेक पालिकाबाट प्रतिभावान खेलाडीहरु उत्पादन हुने र उक्त खेलाडीहरु जिल्लाका लागि मात्र नभएर सिंगो राष्ट्रकै लागि महत्वपूर्ण बन्ने सचिब सापकोटाको भनाई छ । यसैक्रममा आयोजक परिषदले आफनो पालिकाको एक बलियो टिम खडा गर्न गत बैशाख १९ देखि २१ गतेसम्म वडा स्तरिय प्रतियोगिता संचालन गरेर टिम छनौट गरेको छ । यस प्रतियोगिताका लागि पालिकाले आर्थिक सहित अन्य क्षेत्रमा समेत सहयोग गरेको छ ।
![](https://nepalbani.org.np/uploads/news/images/thumb255/1495248405IMG_5059.jpeg)
इलाममा भब्यताका साथ रोपाईजात्रा मनाइयो
गणेश घिमिरे भदौ ६, इलाम मौलिक संस्कृतिका रूपमा स्थापित रोपाईजात्रा बिहीबार इलाम बजारमा निकालिएको छ । जात्रामा धान रोप्दा गरिने कृयाकलापसँग
![](https://nepalbani.org.np/uploads/news/images/thumb255/97645654nepali-tea-garden-1.jpeg)
‘कृषिप्रधान देश’को सरकार नै अर्गानिक चियाबारे बेखबर
गणेश घिमिरे साउन २३, इलाम बर्सेनि चार अर्ब हाराहारी विदेशी मुद्रा आर्जन गरिरहेको चिया क्षेत्र, त्यसमा पनि अग्र्यानिक चिया अहिलेसम्म सरकारले चिन्न
![](https://nepalbani.org.np/uploads/news/images/thumb255/671975790kkk.jpeg)
इलाममा पनि मनाइयो चौथो कोदो दिवस
गणेश घिमिर साउन १५, इलाम इलाममा रैथाने बाली कोदो प्रवर्द्धनका लागि इलाममा चौथो राष्ट्रिय कोदो दिवस मनाइएको छ । इलामको देउमाई नगरपालिका स्थित
प्रतिकृया दिनुहोस