गणेश घिमिरे
असार २१, इलाम 
कोशि प्रदेश सरकारको सहयोगमा इलाम नगरपालिकाको एक सहकारीले प्राङ्गरीक मल उत्पादनको तयारी थालेको छ । खेतीबालीमा रसायनीक मलको प्रयोग बढ्दा जमिनमा अम्लियपन बढ्दै गएको कृषि बिज्ञहरुको अध्ययन पछि प्राङ्गरीक मल उत्पादन गर्न लागेको हो । इलाम नगरपालिकाको पहलमा इलाम नगरपालिका वडा नम्बर १ साँखेजुङ्गमा रहेको लेकाली कृषि सहकारी संस्थाले प्राङ्गरीक मल उत्पादन गर्न कारखाना सञ्चालनमा ल्याउने काम अन्तिम चरणमा पुगेको छ । उक्त कारखाना स्थापना गर्नका लागि कोशि प्रदेश सरकारले २५ लाख रुपैंयाँ अनुदान दिएको छ ।

इलाम नगरपालिकाले मल कारखाना स्थापना गर्न ईच्छुक सहकारी, फर्महरुलाई आह्वान गरे अनुरुप लेकाली सहकारी संस्थाले पेश गरेको प्रस्तावलाई स्वीकृत गरेको हो । उक्त सहकारीको ६ लाख २५ हजार रुपैंयाँ लागत सहभागिता रहेको संस्थाकी अध्यक्ष धनमाया डाँगीले बताउनुभयो । प्राङ्गरीक मल बनाउने मेसिन समेत संस्थामा आइसकेको छ । अर्गानिक मल बनाउने योजनाबाट स्थानीय एक हजार घरधुरी लाभान्वित हुनेछन् । संस्थालाई अनुदान प्राप्त तीन रोपनी जग्गामा कारखाना स्थापना गरिएको हो । यस्तै साँखेजुङ्गमै राष्ट्रिय कृषि अनुसन्धान केन्द्र (नार्क) अन्र्तगत अलैंची र चियाको अनुसन्धान केन्द्र स्थापना गर्ने काम समेत भइरहेको छ ।

नगरपालिकाको नीति तथा कार्यक्रम अनुरुप इलाम नगरको विकासको लागि कृषि र पर्यटनलाई पहिलो प्राथमिकतामा राखेर काम गर्दै आएको नगर प्रमुख केदार थापाले बताउनुभयो । यहाँ उत्पादन हुने चिया, तरकारी, अलैंची लगायतका बालीहरुलाई प्रांगरिक बनाउन लेकाली कृषि सहकारीले स्थापना गर्न लागेको प्राङ्गरीक मल उत्पादन कारखानाले कृषि क्षेत्रमा महत्वपूर्ण योगदान पुरयाउने नगर प्रमुख थापाको भनाई छ । 
 

पर्यटन प्रवद्र्धन र युवालाई दीगो रोजगारीको अवसर प्रदान गर्न होटल व्यवसायमा दक्ष जनशक्ति उत्पादन गरिँदै

गणेश घिमिरे माघ ८, इलाम पर्यटन प्रवद्र्धन र युवालाई दीगो रोजगारीको अवसर प्रदान गर्न होटल व्यवसायमा दक्ष जनशक्ति उत्पादन गरिँदैछ । स्विस सरकार

अतिथिलाई मायाको चिनो तरकारीको पोको 

गणेश घिमिरे  पुष २२, इलाम      अतिथिलाई स्वागत र सम्मान गर्दै माला, खादा, टोपी, ब्याच लगाउने गाउँदेखि सहरसम्मको प्रचलन छ । कार्यक्रम समापनको

दुईजना प्रतिष्पर्धीलाई पछि पार्दै दोस्रो पटकको प्रयासमा खनाल अध्यक्षमा निर्वाचित 

गणेश घिमिरे पुष २१, इलाम  निर्माण ब्यबसायी संघ इलामको १० औं जिल्ला अधिबेशनबाट अध्यक्षमा डिल्लि खनाल निर्वाचित हुनुभएको छ । दुईजना प्रतिष्पर्धीलाई