गणेश घिमिरे
कात्तिक १२÷इलाम 
आउँदो मंसिर २२ देखि २९ गतेसम्म इलाम सदरमुकामको ठूलो टुडिखेलमा हुन लागेको दोस्रो संस्करणको इलाम गोल्डकपको तयारी सुरु भएको छ । मेची पहाडकै सबैभन्दा धेरै धनराशि पुरस्कारको गोल्डकप हुने इलाम सदरमुकामको ठूलो टुडिखेलको हालत भने जिर्ण छ । त्यहि जिर्ण मैदानको अहिले स्तरोन्नतीको काम सुरु गरीएको हो । जुन काम गोल्डकप आयोजक संस्था रेडहर्ष फूटबल क्लब इलामले नै गरीरहेको छ । जिल्लामा स्तरीय मैदानको अभाव छ ।

जिल्लाकै एकमात्र ठूलो टुडिखेलको अवस्था पनि अत्यन्त जिर्ण छ । तरपनि यस मैदानको स्तरोन्नतीका लागि तीनै तहका सरकारको आँखा पुग्न नसक्नु सिंगो जिल्लाबासिकै लागि दुखद हो । यस मैदानमा जसले ठूला ठूला गोल्डकपको आयोजना गर्छ, त्यहि आयोजक संस्थाले चन्दाको भरमा काम चलाउको रुपमा बर्षेनि लाखौं रुपैंयाँ खर्चेर मैदानको स्तरोन्नती गरेर गोल्डकप गर्नुपर्ने बाध्यता बिगतदेखिकै छ । बिगतमा यहि मैदानमा भएको माइभ्याली गोल्डकप आयोजना हुँदा माइभ्याली फूटबल क्लब र गतबर्षदेखि इलाम गोल्डकप हुँदा रेडहर्ष फूटबल क्लबले मैदानको स्तरोन्नती गरेर प्रतियोगिता सञ्चालन गर्दै आएका छन् । सोहि क्रममा यसबर्ष हुन लागेको दोस्रो संस्करणको इलाम गोल्डकपको निम्ति पनि रेडहर्ष फूटबल क्लबले मैदानको स्तरोन्नती सुरु गरेको हो । मैदानको पूर्वी दिशाको दक्षिणि भागमा पहिरो गएपछि हाल पहिरो गएको स्थानमा १० मिटर वाल लगाउन थालेको क्लबले जनाएको छ । दाताहरुको सहयोगमा रकम संकलन गरेर वाल लगाउन थालेको हो । सो वाल मात्र लगाउनका लागि करिब १० लाख खर्च लाग्ने क्लबका सचिब प्रकाश घिमिरेले बताउनुभयो । यस्तै मैदान भित्रको चौरी सम्याउने, मैदानको उत्तरी दिशामा दर्शक बस्न बनाईएको ठाउँलाई गरागरा बनाउने काम पनि सुरु भएको छ । यसैगरी दर्शकका लागि बाँसको अस्थायि प्याराफिट निर्माणको काम अब केही समयपश्चात सुरु गरीने बताइएको छ । मैदानको स्तरोन्नतीदेखि अस्थायि प्याराफिट निर्माण, खेल्नयोग्य मैदान बनाउनका लागिमात्र जम्मा १५÷१६ लाख रुपैंयाँ खर्च लाग्ने आयोजकले अनुमान गरेको छ । दाताकै भरमा सञ्चालन हुन लागेको गोल्डकपमा करिब एक करोड रुपैंयाँ खर्च हुने आयोजकले अनुमान गरेको छ ।

गोल्डकपका लागि आयोजकले जिल्लाका स्थानीय र प्रदेश सरकारसंग सहित देश बिदेशमा रहेका नेपाली, सरकारी÷गैरसरकारी निकायसंग सहयोगको हात फैलाउने जनाएको छ । अहिले आयोजक प्रायोजकको खोजिमा रहेको छ । जिल्लामा उत्कृष्ट खेलाडी उत्पादन गर्ने तथा इलामलेलाई राष्ट्रिय स्तरका क्लब र त्यसमा आबद्ध राष्ट्रिय फूटबल खेलाडीको खेल कौशलको आनन्द दिन लाग्ने अभिप्राय बोकेको आयोजक हरेक बर्ष दाताकै भरमा गोल्डकप सञ्चालन गराउनुपर्ने बिडम्बनाबाट कहिले मुक्त हुन सकेका छैनन् । यसतर्फ सम्बन्धित निकाय गम्भिर हुन आवश्यक छ । यता यबर्ष हुन लागेको इलाम गोल्डकपमा नेपाल र भारतका आठवटा टिमहरुले सहभागिता जनाउँदैछ । आयोजकका अनुसार चर्च ब्वाइज, संकटा, मच्छिन्द्र, एनआरटि, त्रिभुवन आर्मी, झापा, आयोजक र भारतको एकटिम रहनेछ । यस गोल्डकपको बिजेताले नगद १० लाख र उपविजेताले नगद पाँच लाख रुपैयाँ पाउनेछन् । यसपटक आयोजकले पुरस्कार राशि दोब्बर बनाएको हो । यता क्लबले गोल्डकपमा आर्थिक सघाउ पुरयाउने गरी इलाम चोक बजारमा बिभिन्न संस्थाको साझेदारीमा बिङ्गो समेत खेलाउँदै आएको छ । क्लबले पारदर्शी ढंगमा यसबर्ष बिङ्गोको हिसाब किताब हरेक दिन सार्वजनिक गर्र्दै आएको छ । यस्तै क्लबले चोक बजारमा रहेको चौतारी र चिया टिप्दै गरेको महिलाको शालिक परिसरमा रङ्गरोकन समेत गरेको क्लबका उपाध्यक्ष नवीन तामाङले जानकारी दिनुभयो । बिगतमा जस्तो बिङ्गोको रकममा हुनसक्ने अनियमितताबारे क्लब सतर्क बनेको छ । 
 

पर्यटन प्रवद्र्धन र युवालाई दीगो रोजगारीको अवसर प्रदान गर्न होटल व्यवसायमा दक्ष जनशक्ति उत्पादन गरिँदै

गणेश घिमिरे माघ ८, इलाम पर्यटन प्रवद्र्धन र युवालाई दीगो रोजगारीको अवसर प्रदान गर्न होटल व्यवसायमा दक्ष जनशक्ति उत्पादन गरिँदैछ । स्विस सरकार

सेतीदेवीको साधारण सभामा बिभिन्न बिधामा उत्कृष्ट सदस्यलाई सम्मान

गणेश घिमिरे पुष २७, इलाम  सेतीदेवी बहुउद्येश्यिय सहकारी संस्था इलामको २७ औं बार्षिक साधारण सभा सदरमुकाममा शनिबार सम्पन्न भएको छ । सभाको उद्घाटन

बिभिन्न आरोह अबरोह पार गर्दै शताब्दी सहकारीको २५ बर्ष पूरा, मेयर÷पूर्व उपमेयर र पूर्व अध्यक्ष्यलाई बिशिष्ठ सम्मान

गणेश घिमिरे पुष २७, इलाम  बिभिन्न आरोह अबरोह पार गर्दै शताब्दी बचत तथा ऋण सहकारी संस्था इलामले आफनो २५ औं बर्षगाठ (रजत जयन्ती) मनाएको छ । रजत जयन्ती