गणेश घिमिरे
पुष २१, इलाम 
निर्माण ब्यबसायी संघ इलामको १० औं जिल्ला अधिबेशनबाट अध्यक्षमा डिल्लि खनाल निर्वाचित हुनुभएको छ । दुईजना प्रतिष्पर्धीलाई पछि पार्दै दोस्रो पटकको प्रयासमा खनाल अध्यक्षमा निर्वाचित हुनुभएको हो । खनालले एकसय ७ मत पार्दै निर्वाचित बन्दा उहाँका निकटतम प्रतिष्पर्धीहरु निरोज राउतले ७७ र राजकुमार भक्तराजले ५३ मत प्राप्त गर्नुभयो । खनाल यसअघि नवौ अधिबेशनमा पनि अध्यक्षका उम्मेद्धार हुनुन्थ्यो । तर उक्त निर्वाचनमा सन्तोष कटुवालसंग ९ मतान्तरले पराजित बन्नु भएको थियो । कटवालले ९९ मत प्राप्त गर्दा खनालले ९० मत पाउनु भएको थियो । निर्वाचित भएपछि अध्यक्ष खनालले अध्यक्षको रुपमा अघि सारेको एजेण्डालाई कार्यान्वयन गर्ने प्रतिबद्धता जनाउनुभयो ।

संघको बरिष्ठ उपाध्यक्षमा नवीन तामाङ बिजयी हुनु भएको छ । उहाँले प्रमोद शेर्पा वाङ्दीलाई पराजित गर्नुभयो । तामाङले १ सय २३ मत पाउँदा शेर्पाले १ सय ५ मत पाउनुभयो । उपाध्यक्षमा सृजन देवान विजयी बन्नुभयो । उहाँले १ सय ३३ मत पाउँदा दिनेश शेरजंग खड्काले ८८ मत प्राप्त गर्नुभयो । यस्तै कोषाध्यक्षमा पुष्कर बुर्जा विजयी बन्नुभयो । उहाँले १ सय ३५ मत पाउँदा निकटतम प्रतिद्धन्दि सन्तोष भक्तराजले ९५ मत पाउनुभयो । सदस्यमा सुप्रिम राई (१६५), प्रितम लिम्बू (११९), ज्ञान बहादुर प्रधान (११४), गञ्ज बहादुर प्रधान (९८), खगेन्द्र बुढाथोकी (९२) र रोशन महत (९६) मत प्राप्त गर्दै बिजयी बन्नु भएको छ । ६ सदस्य पदका लागि १२ जनाबीच प्रतिस्पर्धा भएको थियो । संघको महिला उपाध्यक्षमा मञ्जु कार्की, महासचिवमा सुरज अधिकारी र सचिवमा सूर्यमान कार्की निर्विरोध निर्वाचित हुनु भएको छ । संघमा दर्ता भएका तीनसय ६ वटा निर्माण कम्पनि फर्मका प्रतिनिधि मध्ये मतदानमा जम्मा २ सय ३५ मात्र मत खसेको थियो । शनिबार राती अबेर मात्र मतगणना सकिएको थियो ।  सर्बसम्मत रुपमा सहमतिमा संघको नेतृत्व संगै कार्यसमिति चयन गर्ने पटक पटकको प्रयास बिफल भएपछि अन्तत निर्वाचन नै भएको थियो । 
 

इलाममा सडक फुड फेस्टिबल सुरु

गणेश घिमिरे चैत्र ३१, इलाम     स्थानीय रैथाने तथा लोपहुँदै गएका विभिन्न जातजातिका परिकारहरुको संरक्षण र सम्बद्र्धन गर्ने उद्देश्यले इलाममा नयाँ

नयाँ बर्षको अवसरमा इलाममा उद्यमी फुड फेस्टिबलको आयोजना 

गणेश घिमिरे चैत्र २९, इलाम  स्थानीय रैथाने तथा लोपहुँदै गएका विभिन्न जातजातिका परिकारहरुको संरक्षण र सम्बद्र्धन गर्ने उद्देश्यले इलाममा नयाँ बर्ष

पर्यटकीय गन्तब्य बन्दै पानीटार, पर्यटन प्रबद्र्धन गर्न महोत्सवको आयोजना

गणेश घिमिरे चैत्र २४, इलाम     पूर्वी नेपालको पहाडी जिल्ला इलाम देशकै प्रमुख पर्यटकीय जिल्ला मध्येको एक हो । पहाडकी रानी नामले समेत चिनीने इलाममा